好耐無打xanga ,我想身邊的朋友都知因為我幫張超雄助選所以一直沒有時間打 entry ,另外,我又係佢僱員,申報又唔知點做,另外,一d我好憎的人睇完又打 personal email 扮關心我,種種原因令我無衝動去update xanga

這數個月很辛苦,6月的時候差不多每個星期都要打給朋友哭訴,說的是哭到零晨4點,不是肉體的累,是面對是非的累,是對人的累,是24小時都在想自己仲有咩未做好的累,6月的時候,我沒有一晚睡到天光,每晚都中途扎醒,你可以想像當中的壓力,但又有幾個會體諒我?除了同事,intern ,又有幾個會嘗試明白我做的事

7月的時候,大家開始做到傻,一個星期一個活動,沒有錢沒有人,一個人做十個人的事,你係我,你會唔會走?所有朋友都叫我走,但因為我唔甘心,覺得自己無錯,所以我一直死唔肯走

8月,我沒有了婆婆,沒有了舅父,但我依然留在campaign team ,老闆叫我放假,我死唔放,因為我知道根本就無人可以pick up 我的工作,而我在campaign 的position 亦轉了做fernando的personal assistant,一個十級脾氣的人可以點serve 人，試過同fernando發脾氣發到阿臻勸開我，試過俾fernando發脾氣發到呆左，但畢竟大家都係因為緊張所以先顛

９月，最後一個星期，同fernando已經熟左好多，多次俾人以為我係佢個女，到９月７　日選後的晚上，有第n個街坊又問同一個問題，fernando答個街坊佢會考慮契我做女，成個９月７日，我有同佢同大家並肩作戰的感覺，很記得fernando在梨木樹拍我手叫我唔好緊張，很記得在宣佈結果後，老闆和老闆娘跟我說的話

記得的都是好的回憶，謝謝所有SMS ,電話，email !

我擁有一個最美好的暑假，一班最好的戰友，一個最好的老闆！